November 2021_Koue Bokkeveld Opleidingsentrum_Nuusbrief (copy 01)

*|MC:SUBJECT|*
KOUE BOKKEVELD OPLEIDINGSENTRUM
NOVEMBER - 'N MAAND VAN DANKBAARHEID EN HOOP
November is hier! Die jaar het gevlieg. Hierdie maand het ons net weer laat besef hoe dankbaar ons moet wees vir nog ‘n jaar wat ons gespaar is. Dankbaar moet wees vir geleenthede wat op ons pad kom om meer te leer, om ‘n vaste werk te hê, om gesond te wees, om nog ‘n jaar saam met jou geliefdes die fees-seisoentyd in te kan gaan.
Gedurende November maand was die Koue Bokkeveld Opleidingsentrum lekker besig met kortkursusse en  projekte en kon die vrouens uiteindelik die Vrouedag vier wat in Augustus uitgestel moes word a.g.v. Kovid-19 protokolle. Ons Xhosa leiers het ook hul Leiersdag bygewoon met groot opwinding.
Die 1, 2, 3 Werk Jeugprogram studente het hul sertifikate ontvang en ons is baie trots op hul harde werk en deursettingsvermoë.
Ons jaarlikse tuinbou kompetisie het ook weer plaasgevind en ons was omtrent in verwondering met die pragtige tuine. “Om blomme te plant, is om in môre te glo.”
Ons wens ons produsente en diensverskaffers ‘n suksesvolle seisoen toe en ons is ook dankbaar om nog ‘n jaar saam met julle te kon stap. Sien jul binnekort by die jaarlikse bemarkingsbesoeke en lees lekker verder hier.

1,2,3 WERK JEUGPROGRAM SERTIFIKAAT OORHANDIGING 

Op 24 November het ons 20 studente hulle 1, 2, 3 Werk sertifkate ontvang by Gys se Huis te Rocklands. 'n Pragtige lang tafel was gedek buite op die gras voor Gys se Huis se stoep en die atmosfeer was vrolik en opwindend. Die program het bestaan uit plant produksie, noodhulp vlak 1, lewensvaardighede en basiese rekenaarvaardighede. 'n Liefde vir landbou is gekweek, want meeste van die studente het aangedui dat hulle gaan aanhou werk in die landboubedryf en drie studente gaan in 2022 verder studeer. Ons is so bly!
Ons was baie bevoorreg om AgriSETA Bestuurslede, Medupi Shabangu en Frikkie Fouche te kon ontvang om die sertifikaat oorhandiging by te woon. Hulle het ook ons advieskomitee vergadering bygewoon en ‘n ontbyt saam met ons produsente geniet, waar ons uitdagings kon aanspreek en 'n vyf-jaar opleidingsplan vir die Witzenberg omgewing kon bespreek. Dit bly vir ons baie belangrik om verhouding te bou met AgriSETA en ons glo dit was ‘n groot sukses. Ons sien uit na nog vele en 'n voortgesette vennootskap tussen Koue Bokkeveld Opleidingsentrum en AgriSETA.
BEMARKINGSBESOEKE
 
Ons kom weer kuier. Hou gerus jul e-posse dop en dagboeke oop vir ‘n afspraak vanaf die Koue Bokkeveld Opleidingsentrum. Ons besef dit is ‘n baie besige tyd, maar dit is ook die beste tyd vir ons om met jul te kom gesels oor wat ons beplan in die 2022 Opleidingsjaarprogram.
VROUEDAG

Op 30 Oktober, het ons vrouwees gevier by Victoria Park Ceres sportgronde. “If you can be happy, do it.”  Hierdie is die woorde van die spontane Tracey Lange, bekende KFM radio omroeper. Sy het gedeel hoe om jou droom jou passie te maak en hoe om daardeur jou doelwit te bereik. Sy het ook uitgelig dat dit nogsteeds harde werk, verantwoordelikheid en dissipline kos om suksesvol te wees.
Die ondersteuning wat die vrouens vir mekaar gewys/gehad het was so mooi en lekker om te aanskou.

XHOSA LEIERSDAG

Die Xhosa Leiersdag het op 3 November by die NG Kerksaal Op-die-Berg plaasgevind en daar was gefokus op dienslewering in ons omgewing. Ons leiers het gedurende die oggend sessie die geleentheid gehad om vrae te vra vir Departement van Gesondheid en SAPS, en aan hulle oorgedra waarmee hulle uitdagings ervaar. Daar was notas geneem van hulle aanbevelings en daar was goed opgetree. 
Ons het ook ’n behoeftebepaling gedoen rondom vrae vir Departement van Arbeid en gaan hulle vir 2022 se Xhosa Leiersdag weer nooi. Lennox Plaatjies het die middagsessie afgesluit en gefokus op leierskap en diversiteit binne die werksplek. 

 

NUTSMAN ELEKTRIES PRAKTIES

Die studente wat die Nutsman Elektries kursus bygewoon het, het as deel van hulle prakties die bejaardes van Op-die-Berg gemeenskap gehelp deur vir hulle klein elektriese herstelwerkies te doen by hulle huise. Hier is `n paar foto’s van die studente in aksie.
 
TUINBOU KOMPETSIE
Dit is 'n vrolike tyd van die jaar!
 
Soos November aangebreek het, was ons omtrent opgewonde oor ons jaarlikse tuinbou kompetisie. Die kompetisie bestaan uit die mooiste blom- en kwaliteit groentetuine. Hierdie projek is veral vir ons belangrik omdat voedselsekuriteit ‘n noodsaaklikheid is, dit help families om selfversorgend te wees en dit is 'n produktiewe ontspanningstyd. Elkeen van die 20 tuine was merkwaardig en iets van hulle tuin sal altyd onthou word.
Vanjaar het die beoordelaars die inskrywings gaan opdeel in vier verskillende kategorieë om almal ‘n regverdige kans te gee en die kleiner tuine aan te moedig vir 2022. Soos volg is ons top 3 wenners van elke kategorie:
 
Groot tuin: Groente en Blomme
1. Adam Hanekom - Dennekruin
2. Tol Fritz - Koelfontein
3. Petrus Jenzel - Howbill 

Klein tuin: Groente en Blomme
1. Katrina Lord - Dennekruin
2. Wayne Hermanus - Dankbaar
3. Petrus Galant - De Straadt 

Blomtuin:
1. Joos Hanekom - Dennekruin
2. Ettiene Herder - Hoogland
3. Johannes Julies - Koelfontein 

Groente:
1. Daniel Kalmeyer - Koelfontein
2. Phillip Moposa - Koelfontein
3. Carlo Lotz - Koelfontein

Die Algehele wenners:
1. Adam Hanekom - Dennekruin
2. Tol Fritz - Koelfontein
3. Katrina Lord - Dennekruin

Baie geluk aan elkeen! Die beoordelaars het vir die deelnemers wat teenwoordig was wenke gegee en hoop hulle neem weer deel in 2022 om te sien wat hulle geïmplementeer het. Foto's van die pragtige tuine sal in ons volgende GOB brief en nuusbrief verskyn.

NOVEMBER KURSUSSE

Hier volg nog 'n paar foto's van ons kortkursusse wat in November plaasgevind het. Die manne was goed op dreef met hul kettingsaag prakties te Rocklands en die HR's en Produksie Bestuurders was op 'n leersame uitstappie na plase in die Piketberg-omgewing.
Want to change how you receive these emails?
You can update your preferences or unsubscribe from this list.






This email was sent to *|EMAIL|*
why did I get this?    unsubscribe from this list    update subscription preferences
*|LIST:ADDRESSLINE|*

*|REWARDS|*