Maart 2023_Koue Bokkeveld Opleidingsentrum_Nuusbrief

*|MC:SUBJECT|*
KOUE BOKKEVELD OPLEIDINGSENTRUM
DROOM GROOT
Om groot dinge te bereik, moet ons nie net doen nie, maar ook droom, nie net beplan nie, maar ook glo. So, het die deelnemers van die Witzenberg Got Talent kompetisie, hul beste gegee en puik opgetree. 
Ons het ook weer ons jaarlikse strategiese sessie gehad, om ons beplanning vir die res van die jaar te bespreek en ook te gesels oor hoe ons voortdurend kan verbeter en volhou met goeie gehalte, sowel as toepaslike opleiding. 
Lees meer onder oor nuwe projekte, Opedag, Bestuursdag, en nog opkomende kursusse.
WGT SE DANSERS STEEK DIE DANSVLOER AAN DIE BRAND
Op Saterdag 4 Maart 2023, was daar vele talent te sien by die Witzenberg Got Talent kompetisie. Meer as 300 mense het hierdie opwindende aand kom ondersteun. Baie geluk aan elke deelnemer, asook aan al die wenners van elke kategorie.
Baie geluk ook aan die twee groepe wat die algehele wenners was van die juniors; naamlik Koelfontein se rieldans-groep en Howbill se geestelikdans-groep onderskeidelik.
Koelfontein se rieldans-groep het omtrent die mense se voete aan die jeuk gehad.
Howbill se geestelikdans-groep, het harte geroer.
WSP & ATR

Baie dankie aan die plase wat reeds vir ons hulle inligting vir die voltooiing van die WSP & ATR verslae gestuur het. Die plase wat dit nog nie gedoen het nie, moet dit asb. so gou as moontlik doen. Ons het ook julle opleidingsbeplanning nodig vir hierdie doeleindes. Bespreek dus gerus julle opleiding aanlyn op ons webwerf. Herinnering e-posse is reeds aan lede uitgestuur. Indien u enige navrae het, kontak asb. vir Ané. Die sluitingsdatum vir die indiening by AgriSETA is 30  April, maar soos gewoonlik mik ons om al ons lede se verslae 1 week voor die sluitingsdatum in te dien. Dit sal vir ons baie help indien jul kan hou by hierdie afsny datum asb.
BLOKFLUIT - PROJEK
KOM EN MAAK LEES LEKKER VIR JOU KIND!
•    Kom luister hoe jy jou eie kind slim kan maak. 
•    Praktiese wenke om kinders lief te maak vir lees. 
•    Jy as ouer, het ‘n belangrike sleutel dat jou kind kan lees. 
•    Kom haal jou “sleutel” en skep ‘n gesonde LEES kultuur by jou huis.
BESTUURSDAG IS OM DIE DRAAI - BESPREEK NOU!
Onder volg 'n voorsmakie...
AGRISETA BESOEK
AgriSETA het ‘n evaluasie- en moniteringbesoek afgelê in die Witzenberg streek, op 28 Februarie 2023. Die doel van die besoek is om die werksplekvaardigheidsplanne wat ingedien is in Maart 2022, te vergelyk met die werklike opleiding wat plaasgevind het in 2022/2023. Ons het opleiding-inligting van 13 plase, soos gekies deur AgriSETA, vir hulle gegee tydens die besoek. AgriSETA het een van die 13 plase besoek en met 'n verteenwoordiger van die plaas gesels. Oor die algemeen het die besoek goed afgeloop. AgriSETA wil hierdie besoek ‘n jaarlikse instelling maak.

OPKOMENDE KURSUSSE:
  • Basiese beginsels van toesighouding (Afrikaans): 2-5 Mei; Ceres Museum
  • Veilige hantering van gifstowwe: Beginners (Afrikaans): 4 Mei; KBOS
  • Veilige hantering van gifstowwe: Beginners (Afrikaans): 5 Mei; Ceres Vallei Kerksaal
  • Bright Star Life Classic: 9-10 Mei; KBOS
  • Noodhulp oefen middag: 9 Mei; Ceres Vallei Kerksaal
  • Noodhulp oefen middag: 10 Mei; KBOS
  • Kleuter program opleiding: 11, 12, 18, 19 Mei; KBOS
  • Snoei: 12 Mei
  • Rekenaars vir beginners: 15-19 Mei; Ceres Museum
  • Noodhulp vlak 1 (Afrikaans): 16-17 Mei; KBOS
  • Trekkeroperateur (Afrikaans): 16-18 Mei; KBOS
  • Bright Star Life Core: 17-18 Mei; KBOS
  • Noodhulp vlak 1 (Afrikaans): 18-19 Mei; Ceres
  • Basiese beginsels van toesighouding: Vermengde leer (Afrikaans): 22-23 Mei; KBOS
Bespreek nou by euria@kbos.co.za of op ons webwerf by www.kbos.co.za
ONS HOU WEER OPEDAG!
Dit was lekker om nuwe gesigte te ontmoet, sowel as bekende gesigte weer te sien by ons Opedag. Dit bly vir ons 'n voorreg om meer inligting van ons te deel en meer van mekaar te leer.
Daar is noukeurig geluister en geleer by die Trekkeroperateur kursus.
VOLG ONS OP SOSIALE MEDIA - FACEBOOK EN LINKEDIN
Facebook
LinkedIn
Want to change how you receive these emails?
You can update your preferences or unsubscribe from this list.






This email was sent to *|EMAIL|*
why did I get this?    unsubscribe from this list    update subscription preferences
*|LIST:ADDRESSLINE|*

*|REWARDS|*
Kbos
0 Opmerkings