Januarie 2024_Koue Bokkeveld Opleidingsentrum_Nuusbrief

*|MC:SUBJECT|*
KOUE BOKKEVELD OPLEIDINGSENTRUM
GELUKKIGE NUWE JAAR!
In 2023, het die Springbokke vir ons soveel hoop, eenheid en positiwiteit as 'n nasie gebring. EN, toe kom bring Dricus du Plessis nog meer vurigheid en inspirasie, toe hy in Januarie as Wêreldkampioen gekroon is. Sport in Suid-Afrika het nog altyd 'n manier gehad om mense hoop te gee en saam te staan as 'n nasie. Mag dit ons in die landbou-bedryf inspireer om hard te werk, saam te werk en doelwitte vir ons te stel, sodat ons nog suksesverhale uit die Witzenberg-vallei kan vertel.
Opleiding is 'n voorreg. Kom leer en presteer!
2023 TUINBOU KOMPETISIE - BAIE GELUK AAN AL DIE WENNERS!
Hier is die tuin van Willem Nel van Koelfontein, wat met die eerste plek weggestap het. Die tuin is mooi uitgelê en oral is plante en houers op ‘n kreatiewe manier gebruik. Die plante is gesond en alles is netjies en goed versorg.
In die tweede plek, is Jacob Snyders van Donkerbos se tuin (onder links bo). 

Daar is 3 persone gesamentlik in die derde plek. Gerrie van Wyk en Hendrik Mars, beide van Donkerbos; en Pieter Galant van De Straadt (sien onder). 
SUIDOOSTERFEES 2024 - KOM SING JUL HARTE UIT

Die gewilde Suidoosterfees kore kompetisie is vanjaar weer volstoom aan die gang. Amateurkore kan hier vir die ATKV-Suidoosterfees-koorkompetisie 2024 inskryf: https://view.forms.app/atkv-kultuur/atkvsuidoosterfeeskoorkompetisie 
Vir enige navrae, kontak Braam de Kock by braamd@atkv.org.za
GRAAD-7 KAMP
40 oulike leerders het in Desember by Waterval te Tulbagh gaan kamp. Hierdie leerders het dit vreeslik baie geniet en was saans baie moeg van al die aktiwiteite. Baie dankie aan elke plaas wat dit vir ‘n kind moontlik gemaak het om te gaan kamp. Hulle lewens is verseker verryk. Dankie ook aan Tandfontein wat die vervoer vir die leerders heen-en-weer geborg het. 
PRODUKTIWITEITSVERSLAG
Tydens 2022 en 2023 het Joy by plase wat dit aangevra het, produktiwiteitsgesprekke met bestuur en toesighouers/spanleiers, as hulle plaasbesoek gelei. Plase het individueel terugvoering ontvang; maar hier is ‘n paar goue drade vir ons almal om oor te dink...kliek hier vir die volle verslag.
Erfdeel se span.
WITZENBERG GOT TALENT 2024

Is jy die volgende Agri’s Got Talent-wenner? Skryf nou in vir ons talentkompetisie. Kliek hier vir inskrywingsvorms. 
AGRISETA BESOEK
AgriSETA het saam met Hortgro die opleidingsentrum en van ons ledeplase besoek. Die voorsitter van AgriSETA se raad, Sharon Sepeng, was ook by die besoek. Ons is dankbaar vir die geleentheid om vir haar te kon wys wat ons doen. Ons hoop daar is nog sulke geleenthede in die toekoms. 
Van voor na links: Adrian Ockhuis - Langrivier, Magdalene Willemse - Dutoit Agri Nooitgedacht, Sharon Sepeng - AgriSETA, Carmen Roberts - Koue Bokkeveld Opleidingsentrum, Jacob Coetzee - Koue Bokkeveld Opleidingsentrum, Astrid Arendse - Hortgro, Cinthia Mahlathi - Hortgro, Khanyisa Njengele - AgriSETA.  Agter:  Frikkie Fouche - AgriSETA.
1,2,3 WERK UITSTAPPIE
Op Donderdag 7 Desember 2023, het die leerders op ‘n uitstappie gegaan om verskeie besighede te besoek in Ceres. Die eerste stop was by Dutoit groente, waar ons die pakhuis besoek het. Die studente kon nie glo hoe groot dit werklik is nie omrede almal gewoonlik net daar verby ry op pad Ceres toe.

Dutoit vrugte, was ons volgende besoekpunt waar ons hartlik ontvang is. Ons is op ‘n toer deur die hele pakhuis geneem en die prosesse is aan almal verduidelik.

By Hortec, het Janine ons die verskillende prosesse verduidelik wat tydens vrugrypheidstoetsings gedoen word. Studente was verbaas oor die prosesse wat gevolg moet word voordat produsente besluit dat die vrugte reg is om gepluk te word. 

Lumbri Kompos se besoek het die skaal aangedui waarop kompos vir kommersiële doeleindes gemaak word.
 
AET: VOLWASSE ONDERRIG
Volwasse onderrig gaan van nou af aanlyn beskikbaar wees en ons is baie opgewonde oor die groot verbetering.

Volg hierdie skakel indien u belangstel: https://docs.google.com/forms/d/1idzQbWJ_Vyjg1Pubd8kZzp1yivSE6g7E1GODhj-dKPY/edit

Let ook asb. op oor die volgende:
  1. Daar sal ‘n registrasie sessie wees wat ‘n kontak sessie is om die nodige vorms in te vul. 
  2. Daarna sal die eerste klas plaasvind om die kurrikulum te verduidelik, datums deur te gee, leermateriaal uit te deel, vakke wat beskikbaar is te verduidelik asook opleiding in tegnologie. 
  3. Indien jy enige navrae het kontak gerus vir Abri Coetzee by die Witzenberg Learning Centre op Ceres by witzenburgclc@gmail.com
Die graad 11’s van laasjaar se Proses het saam Brett Viljoen en sy span van Kunika Outdoors gaan kamp. Die leerders was toegerus met die nodige gereedskap om effektiewe leiers te wees en om hulle matriek jaar suksesvol aan te pak. 
51 Gemeenskapsleiers van ons plase het die GOB kamp bygewoon. Dit was 'n merkwaardige en leersame kamp.
OPKOMENDE KURSUSSE:
  • Steenvrugte Velddag: 28 Maart
  • HR Studiegroep: Belangrike nuwe KVBA reëls en prosedures en Werknemer Regte: 20 Maart (ZOOM)
  • Besoek en bespreek - Kurkvlek in Pere: 10 April
  • Veilige hantering van gifstowwe: 19 April (vind by Bo-Swaarmoed plaas)
  • Kokke inspirasie: 26 April
  • Bestuursdag: 16 Mei
VOLG ONS OP SOSIALE MEDIA - FACEBOOK EN LINKEDIN
Facebook
LinkedIn
Want to change how you receive these emails?
You can update your preferences or unsubscribe from this list.






This email was sent to *|EMAIL|*
why did I get this?    unsubscribe from this list    update subscription preferences
*|LIST:ADDRESSLINE|*

*|REWARDS|*
Kbos
0 Comments