|
Die personeel van Koue Bokkeveld Opleidingsentrum het op die 16e Februarie ‘n baie insiggewende strategiese sessie en spanbou-dag gehad by die Op-die-Berg Gemeente Kerksaal.
Hein Wandrag het die grootste gedeelte van die dag gelei oor emosionele intelligensie, verantwoordelik- heid en konstruktiewe kritiek.
Die personeel moes as span 'n struktuur uit Lego bou om die sentrum se missie en visie uit te beeld.
Die struktuur het uitgebeeld dat die sentrum uit 2 hoofpilare bestaan, naamlik Opleiding en Gemeenskapsontwikkeling onderskeidelik.
Die pilare word bymekaar gehou deur die span en die sentrum se visie om groei, produktiwiteit en mense-ontwikkeling te verseker. Hierdie groei word deur die boom bo-op die konstruksie uitgebeeld. Die klein strukture onder die boom beeld die diverse personeel van die Opleidingsentrum uit.
Carmen Roberts het daarna die sessie gelei deur die sentrum se beleide met almal te bespreek en af te teken.
|
