Daar was omtrent feesgevier tydens Augustus-maand. Ons Witzenberg Prestige Landbouwerker van die Jaar is aangewys, die vrouens het Vrouedag saam gevier en dit was jolig tydens die musiekwerkswinkel.
Sit gerus jou feeshoed op en word deel van al die lekker opleiding en feesvieringe wat nog voorlê.
Lees meer onder om dit nie mis te loop nie.

Baie geluk ook aan die al die kategorie wenners. Kliek hier om te sien wie gewen het.
'n Spesiale dankie aan al die plase wat só baie moeite gedoen het met hul tafelversierings – die kreatiwiteit rondom die tema “Ons droom vir ons plaas en/of gemeenskap” was inspirerend. Geluk aan ons drie wenners in dié afdeling:

Op Saterdag, 9 Augustus, het ons met trots die vroue van landbou in die Witzenberg gevier. 724 vrouens het die geleentheid bygewoon, waarvan 157 Xhosa-sprekend was.
Baie dankie aan Departement van Landbou: Landelike Ontwikkeling vir hulle geskenkpakkies vir die gelukkige trekkings en sprekers.

Wat ’n inspirasie! Op Saterdag, 16 Augustus, het Rowan Musiekskool van Wellington nóg ’n fenomenale musiekwerkswinkel aangebied. 25 entoesiastiese leerders en 5 toegewyde fasiliteerders het saamgekom om hul talent te slyp en met passie te oefen. Hulle berei hard voor vir ons groot inhuis-konsert op 6 Desember – ’n dag wat jy beslis nie wil misloop nie! Merk dit nou al in jou dagboek, want dit gaan ’n fees van musiek en talent wees!

Die AgriSETA befondsingsaansoeke sluit op 15 September. Dit sluit projekte in soos beurse, internskappe, werksplekplasings, leerlingskappe, en vaardigheidsprogramme. Indien jy nog graag wil aansoek doen, stuur asseblief so gou as moontlik die nodige dokumente vir Marnel na admin02@kbos.co.za

Die nutsman werkswinkel het ongelooflike goeie terugvoering ontvang en ons is opgewonde om dit weer aan te bied in die toekoms. Sien skakel onder vir die Hortgro artikel om meer te lees van hierdie merkwaardige en leersame werkswinkel:
https://www.hortgro.co.za/news/gemeenskapswerkswinkels-bou-vaardighede-en-selfvertroue/