"Each time a woman stands up for herself, she stands up for all women". 
Mag elke vrou, vrouwees "OWN"! Besef dat hul die lewe inkleur, hoeveel waarde hul het, en hoe sterk hul is.
Lees lekker verder oor al die opleidingshoogtepunte van Augustus-maand.

Die AgriSETA befondsingsaansoeke sluit op 15 September. Dit sluit projekte in soos beurse, internskappe, werkplekplasings, leerlingskappe, en vaardigheidsprogramme. Indien jy nog graag wil aansoek doen vir van die projekte, stuur asb. so gou as moontlik die nodige dokumente vir Ané by ane@kbos.co.za

33 entoesiatiese tuiniers het op Saterdag, 24 Augustus 2024, ons eerste groentetuin werkswinkel bygewoon. Daar was ‘n goeie balans tussen ‘n lesing wat o.a. bestaan het uit groepwerk en besprekings, sowel as prakties en lekker lag op die koue Saterdag. ‘n Hoë gehalte werkswinkel vir spotgoedkoop. Dit is vir ons goed om te weet mense wil in hulle eie tyd hulself bemagtig met kennis om voedselsekuriteit vir hulle families te verseker.

Ons tweede 1,2,3 Werk groep wat einde Februarie 2024 klaargemaak het, is opgevolg om te hoor waar die studente is, ses maande nadat die program voltooi is.

Van die 20 studente wat die program voltooi het, werk 16 nou nog in landbou. 15 werk op die plaas waar hulle begin het, en vyf het bedank.
Een van die studente wat bedank het werk nou op ‘n ander plaas. Een ander student wat bedank het, het ‘n kursus afgelê en werk nou by Ceres SAPD. Die ander drie studente wat bedank het, weet die plase nie/het nie genoem waar hulle werk nie.
Vyf studente is bevorder na ander poste vandat die program voltooi is. Hulle nuwe poste sluit in besproeiing persone (2), voorman (1), spesialis werker in kwekery (1) en plaagbeheer (1).
Daar is vyf studente wat die plase beoog om in die toekoms te bevorder, omdat hulle goeie werk en groei toon. Daar is vyf studente wat die plase aangedui het nog in dieselfde posisie is as tydens die program, maar het nie genoem dat hulle beoog om die studente te bevorder nie. Hierdie 10 studente werk nou as paletiseerders in die pakstoor, operateurs, besproeiing manne en algemene werkers.

Positiewe terugvoering is ontvang van die bestuurders:

Alhoewel daar ook uitdagings met motivering en logistieke reëlings was by van die studente/plase, het meeste plase gesê dat hul weer studente sal stuur op hierdie program omdat dit vir jong skoolverlaters meer kennis gee oor verskillende aspekte van die boerdery-bedryf.