Koue Bokkeveld Opleidingsentrum

fokus op alle fasette van landbou-opleiding in die breë Ceres-Koue Bokkeveld streek.

Available courses in (I) Finansies

Courses

I1. Persoonlike finansies reeks

Course Code:

I1a

Student Level:

A, B & C

Price per student:

R4000 per groep + vervoer

Description:

Om individue te help om hulle geld beter aan te wend, beter besluite te neem en om ‘n persoonlike begroting op te stel.

Kursus inhoud: Persoonlike finansies, persoonlike skuld, begrotings, skuld, besparings, lenings, en besluitneming.

Studente moet asseblief n potlood saambring.

I2. Finansies vir komitees

Course Code:

I2a

Student Level:

A, B & C

Price per student:

R4000 per groep + vervoer

Description:

Hierdie kursus bied kassiere en ander komiteelede die geleentheid om suksesvol met geld om te gaan. Deur dit reg te kry word ook verseker dat die komitee effektief raak.

Tradisioneel word Komitees gesien as “klagte komitees”. Dit beteken dat die gemeenskap die komitee gebruik as die kanaal om hulle griewe en pyne te lig sonder om self op ‘n konstruktiewe manier deel te raak van die soeke na oplossings. Verder is komiteelede gewoonlik uiters skrikkerig vir geld. Van eie betrokkenheid om self fondse te genereer, fondse te help bestuur en finansië besluite te neem, is daar in hierdie model min ruimte . Dit versterk net die bestaande patroon van hulpeloosheid en afhanklikheid.

Die ideaal is dat die komitee en die gemeenskap ‘n totale denkskuif sal ondergaan, om te verstaan en gemotiveerd te wees om hul eie inkomstes en uitgawes te bestuur. Hierdie denkskuif sal lei tot aksies waar hulle bemagtig is om suksevol die komitee se geldsake te dryf. Om hierdie ideale situasie te bereik kan die kassiere en selfs ook ander sleutelpersone inskakel by hierdie kursus van vier sessies . Daar is ‘n week tussen-in vir praktiese take en die opvolg na 6 maande. Studente kry kans om te kompeteer en ‘n prys vir die plaas met die beste vordering word toegeken.

Hierdie kursus het verskeie voordele vir komitees, plase en individue: • Die kultuur van “vra die baas” verander na samewerking. Komitees ontwikkel die kapasiteit om finansieel lewenskragtig te raak vir hulle eie ontwikkeling. • Die plaas, gemeenskap en bestuur het die gemoedrus dat komitees se finansies verantwoordelik bestuur word. • Hierdie is ‘n unieke geleentheid vir individuë om kritiese leierskap vaardighede t.o.v. geldbestuur te beemeester..

I3. SARS

Course Code:

I3a

Student Level:

A, B & C

Price per student:

R1000 per groep + vervoer

Description:

Dit gebeur nou toenemend dat die top plukkers hulself in ‘n inkomstekategorie inpluk waar die lone programme belasting aftrek. Daar verskyn dan ‘n belasting aftrekking op sy loonkoevert. Mense verstaan dit nie en dit blyk dat baie nog nooit van persoonlike belasting gehoor het nie.

Die doel van hierdie kort inligtingsessie is dan om voorkomend op te tree. As objektiewe buitestaander sal ons dan die basiese verduidelik van SARS, belasting, loonprogramme, hoe die geld terugkom (of nie) ens.